Ҳимоячи Трент Александер-Арнольд ёзги трансфер ойнасида «Реал»ни тарк этиши мумкин.
Mirror нашрининг хабарига кўра, англиялик футболчи «қаймоқранглилар» таркибида ўзини тўлиқ кўрсата олмагани сабабли, Мадриддан кетиш вариантини кўриб чиқишга тайёр. Трент ўзининг қадрдон клуби — «Ливерпуль»га қайтишни хоҳламоқда.
Трент Александр-Арнольд 2025 йилнинг ёзида 10 миллион евро эвазига «Ливерпуль»дан «Реал»га ўтган эди. Унинг Мадрид клуби билан шартномаси 2031 йилнинг 30 июнига қадар мўлжалланган. Жорий мавсумда ҳимоячи «қаймоқранглилар» сафида барча турнирларда 14 та ўйин ўтказиб, иккита голли узатмани амалга оширди.
Трент «Ливерпуль»нинг асосий жамоасида 2016 йилдан буён тўп сурган. «Қизиллар» таркибида у тўққизта совринни қўлга киритган, улар орасида Англия Премьер-лигаси ва Чемпионлар Лигаси ҳам бор.
