Himoyachi Trent Aleksander-Arnold yozgi transfer oynasida «Real»ni tark etishi mumkin.
Mirror nashrining xabariga ko‘ra, angliyalik futbolchi «qaymoqranglilar» tarkibida o‘zini to‘liq ko‘rsata olmagani sababli, Madriddan ketish variantini ko‘rib chiqishga tayyor. Trent o‘zining qadrdon klubi — «Liverpul»ga qaytishni xohlamoqda.
Trent Aleksandr-Arnold 2025 yilning yozida 10 million yevro evaziga «Liverpul»dan «Real»ga o‘tgan edi. Uning Madrid klubi bilan shartnomasi 2031 yilning 30 iyuniga qadar mo‘ljallangan. Joriy mavsumda himoyachi «qaymoqranglilar» safida barcha turnirlarda 14 ta o‘yin o‘tkazib, ikkita golli uzatmani amalga oshirdi.
Trent «Liverpul»ning asosiy jamoasida 2016 yildan buyon to‘p surgan. «Qizillar» tarkibida u to‘qqizta sovrinni qo‘lga kiritgan, ular orasida Angliya Premyer-ligasi va Chempionlar Ligasi ham bor.
