«Бенфика» ҳужумчиси Жанлука Престианни «Реал» форварди Винисиус Жуниор билан содир бўлган воқеа сабабли 10 та ўйинга дисквалификация қилиниши мумкин. Куни кеча бразилиялик футболчи аргентиналик рақиби томонидан ирқчилик ҳақоратларига дуч келганини маълум қилган эди.
УЕФА айни дамда ушбу ҳолат бўйича суриштирув ишларини олиб бормоқда. Манбаларнинг таъкидлашича, агар ирқчилик ҳақоратлари бўйича далиллар топилса, Престианни 10 та ўйинга четлатилиши мумкин.
Ушбу меъёр 2013 йилда жорий этилган бўлиб, 2021 йилда Европа Лигаси доирасидаги «Славия» — «Рейнджерс» учрашувидан сўнг қўлланилган эди. Ўшанда Глен Камарага нисбатан ирқчилик қилгани учун чехиялик Ондржей Кудела 10 та ўйинга дисквалификация қилинганди.
