АПЛнинг 31-туридан ўрин олган ўйинда "Вулверхэмптон" кутилмаганда пешқадам "Арсенал"дан 2 очкони тортиб олди. "Бўрилар" устози Роб Эдвардс ўз шогирдларининг ўйинидан қониқиш ҳосил қилганини яширмаяпти.
"Ажойиб туйғу. Мухлисларимиз учун яхши кеча. Бу шунчаки дуранг, лекин биз курашяпмиз. Биз таслим бўлмаймиз. Футболчиларим билан фахрланаман. Биз мухлислар билан муносабатларни йўлга қўймоқчимиз, ҳозир уларнинг қўллаб-қувватлаши ҳар қачонгидан ҳам кўпроқ керак", - дея Эдвардснинг сўзларини келтиради BBC Sport.
Ижобий натижага қарамай, "Вулверхэмптон" турнир жадвалида сўнгги ўринда бормоқда.
