APLning 31-turidan o‘rin olgan o‘yinda "Vulverxempton" kutilmaganda peshqadam "Arsenal"dan 2 ochkoni tortib oldi. "Bo‘rilar" ustozi Rob Edvards o‘z shogirdlarining o‘yinidan qoniqish hosil qilganini yashirmayapti.
"Ajoyib tuyg‘u. Muxlislarimiz uchun yaxshi kecha. Bu shunchaki durang, lekin biz kurashyapmiz. Biz taslim bo‘lmaymiz. Futbolchilarim bilan faxrlanaman. Biz muxlislar bilan munosabatlarni yo‘lga qo‘ymoqchimiz, hozir ularning qo‘llab-quvvatlashi har qachongidan ham ko‘proq kerak", - deya Edvardsning so‘zlarini keltiradi BBC Sport.
Ijobiy natijaga qaramay, "Vulverxempton" turnir jadvalida so‘nggi o‘rinda bormoqda.
