Англиялик афсонавий собиқ ҳимоячи Жон Терри Виржил ван Дейкнинг ўзи билан қиёсланиши ҳақида нима деб ўйлашини айтиб берди.

«Ливерпуль»нинг амалдаги сардори, худди кўп йиллар давомида «Челси»да тўп сурган инглиз ҳимоячиси каби, Премьер-лига тарихидаги энг яхши марказий ҳимоячилар қаторига киритилади.

«Ҳар кимнинг ўз фикри бор, лекин у статистика билан асосланиши керак. Ҳимоячилар ўртасида урилган голлар ва "қуруқ" ўйинлар сони бўйича рекордлар менга тегишли. Шунингдек, 34 ёшимда, Моуриньо қўл остидаги 2014/15 йилги чемпионлик мавсумида бирор дақиқани ҳам ўтказиб юбормаганман», — дея «Topskills Sports UK» Террининг сўзларини келтиради.

Виржил ван Дейк 2018 йил бошидан бери «Ливерпуль» шарафини ҳимоя қилиб келмоқда. Бунгача у «Саутгемптон»да ўйнаган.