«Реал» ҳимоячиси Эдер Милитао мушакларидаги жароҳат сабабли жамоа лазаретида қолмоқда. Бразилиялик ҳимоячи сўнгги бор декабрь ойининг бошида майдонга тушган эди.

AS нашрига таяниб The Touchline хабар беришича, «Реал» Милитаонинг апрель ойида сафга қайтишини кутмоқда. Шу тариқа, 28 ёшли бразилиялик футболчи мавсумнинг ҳал қилувчи палласида жамоасига ёрдам бериши керак бўлади.

Ўтган тур натижаларига кўра, «Реал» Испания Ла Лигаси турнир жадвалида пешқадамликни қўлга олди. Мадридликлар иккинчи ўриндаги «Барселона»дан икки очко олдинда боришмоқда.

Ҳозирда «Реал» сафарда «Осасуна»га қарши бўлиб ўтадиган ўйинга тайёргарлик кўрмоқда. Учрашув шанба куни, 21 февраль санасида бўлиб ўтади.