Дортмунднинг «Боруссия» клуби ўзининг расмий сайтида ёзги трансфер ҳақидаги маълумотни эълон қилди. «Арилар» таркибини ҳимоячи Кауан Пратес тўлдирадиган бўлди.

Ёзгача Пратес «Крузейро» сафида ўйнашда давом этади. Сўнгра ёш футболчи «Боруссия» таркибига қўшилади. Шу ҳафтада бразилиялик футболчи тиббий кўрикдан ўтди ва 2031 йилнинг ўрталаригача мўлжалланган шартномага имзо чекди.

Август ойида Кауан Пратес ўзининг 18 ёшини нишонлайди. Футболчи ҳимоянинг чап қанотида ҳам, марказий ҳимоячи сифатида ҳам ўйнаш қобилиятига эга.

Ҳозирда «Боруссия» Бундеслига турнир жадвалида иккинчи ўринни эгаллаб турибди. Жамоанинг «Бавария»дан ортда қолиши олти очкони ташкил этади.