Туркиянинг «Фенербахче» клуби бош мураббийи Доменико Тедеско УЕФА Европа лигаси плей-офф босқичи бошланиши олдидан ўз фикрларини билдирди. Унинг шогирдлари 19 февраль куни Англиянинг «Ноттингем Форест» клубига қарши майдонга тушади.
«Ноттингем»да янги мураббий иш бошлади, жамоа ҳаммасини нолдан бошлайди. Бироқ бизнинг ҳам мотивациямиз жуда юқори. Уйда ғалаба билан бошлаш имкониятимиз бор. Кичик хатоларга ҳам йўл қўймаслик яхши бўларди, акс ҳолда жазо муқаррар бўлади. Биринчи сониялардан бошлаб юқори даражадаги концентрацияни сақлаб қолиш зарур», — дея Тедесконинг сўзларини келтиради УЕФА расмий сайти.
Мусобақанинг умумий босқичида «Фенербахче» 19-ўринни, «Ноттингем» эса 13-ўринни эгаллаган эди.
