«Фенербахче» ҳужумчиси Андерсон Талиска Европа Лигаси плей-офф босқичи доирасидаги «Ноттингем Форест»га қарши биринчи ўйин олдидан ўз фикрларини билдирди.

«Инглиз клубларига қарши ўйнаш доим қийин. «Астон Вилла» билан бўлган ўйинда ҳам буни кўргандик. Бўлажак баҳс биз учун ўзига хос аҳамиятга эга. Биз кейинги босқичга чиқишни ва мусобақанинг ҳал қилувчи паллаларигача етиб боришни истаймиз», — дея бразилиялик футболчининг сўзларини келтиради УЕФА расмий сайти.

Шунингдек, Талиска клубни муваффақиятли трансферлар ва 2025 йил сентябрь ойида бош мураббий этиб тайинланган Доменико Тедескони таклиф қилгани учун мақтади.

«Янги келган футболчилар клубимизни янада кучли қилиш учун келишди. Бундан ташқари, бизда ўз ишини аъло даражада бажараётган ажойиб ёш мураббий бор».

Жорий мавсумда 32 ёшли Талиска 35 та ўйинда майдонга тушиб, 21 та гол ва 4 та голли узатмани амалга оширишга муваффақ бўлди.