«Ливерпуль» ярим ҳимоячиси Алексис Мак Аллистернинг отаси Карлос Мак Аллистер ўғлининг «Манчестер Юнайтед»га ўтиши мумкинлиги ҳақидаги хабарларга муносабат билдирди. Аввалроқ Mirror портали ушбу трансфер эҳтимоли ҳақида ёзган эди.
«Ҳозирда Алексис фақат «Ливерпуль» ҳақида ўйламоқда. Биз шартномани узайтириш бўйича таклиф кутяпмиз. Клубнинг режалари қандай эканлигини кўрамиз.
Агар «Ливерпуль»нинг таклифи етарли бўлмаса, у бошқа чемпионатга ўтиши мумкинми? Шартномани узайтириш жараёни қандай кечишини кутамиз. Ҳозирча бор гап шу», — дея Карлос Макаллистернинг сўзларини келтиради Win Win нашрига таяниб TEAMtalk.
Жорий мавсумда Мак Аллистер барча мусобақаларда 37 та ўйинда иштирок этиб, 3 та гол ва 4 та голли узатмани амалга оширди. Футболчининг клуб билан амалдаги шартномаси 2028 йилнинг ёзигача мўлжалланган. Transfermarkt портали маълумотларига кўра, футболчининг бозор қиймати 85 миллион еврони ташкил этади.
