"Реал" ва "ПСЖ" клубларининг собиқ дарвозабони Кейлор Навас мураббий Зинедин Зидан билан бирга ишлаганини эслади.
Коста-Рикалик дарвозабон 2014 йилдан 2019 йилгача "қироллик клуби"да ўйнаган ва у ерда франциялик мураббий билан тўқнаш келган.
"Зидан менинг фаолиятимга катта таъсир кўрсатди. Футболчиларда бундай ишонч уйғота оладиган мураббийни жуда кам учратиш мумкин. Гап фақат унинг ҳаммада ҳурмат ва ҳавас уйғотишида эмас, балки унинг инсоний фазилатларида, ҳар бир инсонга бўлган муносабатида. Бундан ташқари, Зинедин тактик сезгирликка эга, у рақибларни синчковлик билан ўрганган. У бизга ғалаба учун зарур бўлган воситаларни берди", - деди Навас.
Зинедин Зидан 2021 йилда "Реал"дан кетганидан кейин ҳамон ишсиз қолмоқда.
