"Лион" бош мураббийи Паулу Фонсека жорий мавсумдаги фаолияти ҳақида гапирди. Жамоа барча мусобақаларда кетма-кет 13 та ғалабадан иборат серия қайд этди ва бир вақтнинг ўзида 3 та турнирда муносиб ўйин кўрсатмоқда.
"Биз совринлар ютишга тайёр ва қодир эканлигимизни ҳис қиляпман. Лекин бу қийин, жуда қийин. Бу менинг Лига 1даги тўртинчи мавсумим, у, шубҳасиз, энг рақобатбардош. Бироқ мен жамоага ишонаман", - деди мураббий.
"Лион" Франция чемпионатида учинчи ўринда бормоқда. Жамоа Европа Лигаси умумий босқичида биринчи бўлди ва плей-офф босқичида курашни давом эттиради.
