Мадриднинг "Реал" клуби собиқ дарвозабони Кейлор Навас Зинедин Зидан Винисиус Жуниорнинг маҳоратини қандай оширгани ҳақида гапирди.
Бразилиялик "қироллик клуби"га 2018 йилда "Фламенго"дан кўчиб ўтган эди. Дастлабки пайтларда футболчи бошқаларнинг дарвозаси олдида исрофгарчилик қилгани учун танқид қилинди, аммо кейинчалик ҳужумчи ўзини очиб, жаҳон юлдузига айлана олди.
"Зидан машғулотлардан сўнг Винисиусга маҳоратини оширишга ёрдам бериш учун у билан соатлаб якка тартибда ишлаганини эслайман. У унга техника, тезлик, ҳужумларни якунлаш бўйича машқлар берди ва бу Винига ўз салоҳиятини тўлиқ очишга ёрдам берди. Ўша қўшимча машғулотлар унинг кейинги муваффақиятларининг асосий сабабларидан биридир", - дея Наваснинг сўзларини келтиради Diario AS.
Зинедин Зидан 2021 йилда "Реал" бошқарувидан кетганди.
