«Барселона» ва «ПСЖ» собиқ ҳужумчиси, ҳозирда Бразилиянинг «Сантос» клубида тўп сураётган Неймар футболдаги келажаги ҳақида фикр билдирди.
«Мени олдинда нима кутаётганини ҳали билмайман. Декабрь ойида бутсаларимни михга илишимни истисно қилмайман. Мен бугунги кун билан яшайман. 2026 йил мен учун, «Сантос» ва Бразилия терма жамоаси учун ҳал қилувчи йил бўлади», — дея 34 ёшли ҳужумчининг сўзларини келтиради Caze TV.
Неймар ва «Сантос» ўртасидаги амалдаги шартнома муддати жорий йилнинг декабрь ойи охирида якунига этади. Футболчининг трансфер қиймати 10 миллион еврога баҳоланмоқда.
Қўшимча қилиш жоизки, 2026 йилнинг ёзида Бразилия терма жамоаси жаҳон чемпионатида иштирок этади.
