«Манчестер Юнайтед» ҳужумчи Маркус Рэшфорднинг «Барселона»га тўлақонли трансфери амалга ошиши мумкинлигидан хавотирга тушмоқда.

«Daily Star» нашрининг хабарига кўра, «қизил иблислар» ижара шартномасида сотиб олиш ҳуқуқини атиги 30 миллион евро қилиб белгилаганларидан пушаймон бўлишмоқда. Клубнинг ҳисоблашича, Рэшфорднинг ҳозирги бозор қиймати камида 57 миллион еврони ташкил этади. Шунингдек, «Манчестер Юнайтед»нинг бўлажак бош мураббийи Рэшфордни арзон нархга сотиб юборишни эмас, балки ўз жамоасида кўришни исташи мумкинлиги ҳақида ҳам фикрлар мавжуд.

«Барселона» Рэшфордни ўтган ёзда ижарага олган эди. Каталонияликлар таркибида у барча турнирларда 34 та ўйинда майдонга тушиб, 10 та гол урди ва 13 та голли узатмани ўз ҳисобига ёздириб қўйди.