«Manchester Yunayted» hujumchi Markus Reshfordning «Barselona»ga to‘laqonli transferi amalga oshishi mumkinligidan xavotirga tushmoqda.

«Daily Star» nashrining xabariga ko‘ra, «qizil iblislar» ijara shartnomasida sotib olish huquqini atigi 30 million yevro qilib belgilaganlaridan pushaymon bo‘lishmoqda. Klubning hisoblashicha, Reshfordning hozirgi bozor qiymati kamida 57 million yevroni tashkil etadi. Shuningdek, «Manchester Yunayted»ning bo‘lajak bosh murabbiyi Reshfordni arzon narxga sotib yuborishni emas, balki o‘z jamoasida ko‘rishni istashi mumkinligi haqida ham fikrlar mavjud.

«Barselona» Reshfordni o‘tgan yozda ijaraga olgan edi. Kataloniyaliklar tarkibida u barcha turnirlarda 34 ta o‘yinda maydonga tushib, 10 ta gol urdi va 13 ta golli uzatmani o‘z hisobiga yozdirib qo‘ydi.