Пайшанба оқшомида Салоникида ПАОК ва «Сельта» Европа Лигаси плей-офф босқичининг дастлабки ўтиш ўйинида тўқнаш келишди. Биринчи бўлим якунида меҳмонлар афсонаси Яго Аспас ҳисобни очишга муваффақ бўлди.
ПАОК дарвозасига киритилган ушбу гол тажрибали испаниялик учун 2026 календарь йилидаги биринчиси бўлди. Вингер охирги марта ўтган йилнинг ноябрь ойида, Испания Примераси доирасидаги «Алавес»га қарши ўйинда гол урган эди.
Ёши ўтиб бораётганига қарамай, Аспас жорий мавсумда барча турнирларда ўз голлари сонини бештага етказиб олди. Унинг Виго клуби билан амалдаги шартномаси шу йилнинг ёзига қадар мўлжалланган.
Маълумот учун, Салоникидаги учрашув 2:1 ҳисобида «Сельта»нинг ғалабаси билан якунланди.
