«Ливерпуль» ва Сенегал терма жамоаси собиқ ҳужумчиси Эл-Хаджи Диуф Чемпионлар лигаси доирасидаги «Бенфика»га қарши ўйинда юз берган можарода Мадриднинг «Реал» клуби ҳужумчиси Винисиус Жуниорни қўллаб-қувватлади.
Винисиус Лиссабон клубининг аргентиналик ҳимоячиси Жанлука Престианни томонидан ирқий камситилишга учраганини даъво қилмоқда. «Бенфика» эса ўз футболчисига қўйилаётган барча айбловларни инкор этмоқда.
«У жамиятга таъсир қиладиган нарсалар ҳақида гапирмоқда. Жамиятга эса айнан у каби кучли инсонлар кўпроқ керак», — дея Диуфнинг сўзларини келтиради Telecom Asia.
Учрашув 1:0 ҳисобида «Реал» фойдасига ҳал бўлган эди. Аввалроқ, агар айби исботланса, Престианни 10 та ўйингача дисквалификация қилиниши мумкинлиги ҳақида хабар берилган эди.
