"Бавария" бош мураббийи Венсан Компани "Айнтрахт"га қарши ўйин олдидан тўрт нафар футболчи сариқ карточкада осилиб қолаётгани фонида Дортмунднинг "Боруссия" клуби билан учрашувни хаёлида сақлаб қоляптими, деган саволга жавоб берди.
"Мен фақат "Айнтрахт" билан ўйинга эътибор қаратяпман. Сариқ карточкалар билан боғлиқ вазиятдан хабардормиз, лекин ҳаммасини режалаштириб бўлмайди. Ҳозир фақат бир нарса муҳим - "Айнтрахт"ни мағлуб этиш", - дея Компанининг сўзларини келтиради Bayern & Germany.
Футбол бўйича Германия чемпионати 23-туридан ўрин олган "Бавария" - "Айнтрахт" учрашуви 21 февраль, шанба куни бўлиб ўтади.
