"Манчестер Сити"нинг португалиялик ярим ҳимоячиси Бернарду Силва фаолиятини Испанияда давом эттириши мумкин. Бу ҳақда TEAMtalk хабар бермоқда.
Манбага кўра, "шаҳарликлар" билан шартномаси яқин ёзда якунига етадиган 31 ёшли хавбекни "Барселона" ва "Атлетико" ўз сафига қўшиб олмоқчи. Шунингдек, Силвани "Ювентус" ва "Монако" ҳам кузатиб бормоқда, аммо футболчини Ла Лигада ўйнаш истиқболи кўпроқ жалб қилмоқда.
Силва "Манчестер Сити" сафида 2017 йилдан буён тўп тепиб келмоқда. Жорий мавсумда ярим ҳимоячи барча мусобақаларни ҳисобга олган ҳолда 35 та ўйинда майдонга тушиб, 2 та гол урди ва 5 та голли узатмани амалга оширди.
