Хаби Алонсо «Реал»дан истеъфога чиқарилганидан бери бир ойдан ортиқ вақт давомида ишсиз юрибди. Бир неча кун аввал матбуотда Алонсо клуб ичидаги кескин муҳит сабабли «Марсель» вариантини рад этгани ҳақида маълумотлар тарқалган эди.
«Goal» порталида Алонсонинг «Марсель»да ишлашдан бош тортганига оид мақола эълон қилинди. Муаллифларнинг таъкидлашича, Хаби учун келажакда «Ливерпуль» варианти пайдо бўлмоқда. Ҳозирда Арне Слотнинг лавозимига ҳеч нарса таҳдид солаётгани йўқ, бироқ нидерландиялик мутахассисга бўлаётган босим кучайиб бормоқда. Агар мавсум натижалари муваффақиятсиз бўлса, Алонсо мураббий сифатида «Энфилд»га қайтиши мумкин.
«Ливерпуль» айни дамда АПЛ турнир жадвалида олтинчи ўринни эгаллаб турибди.
