Лиссабондаги Чемпионлар лигаси ўйини жанжал келтириб чиқарди. Винисиус Жуниор Жанлука Престианини ирқчиликда айблади. "Бенфика" бош мураббийи Жозе Моуриньо ўйиндан кейин клуб рамзи қора танли футболчи - Эйсебио экани ҳақида гапирди. Шунингдек, португалиялик голни жуда провокацион тарзда нишонлагани учун Винисиусни айблади. "Бавария" устози Венсан Компанининг фикрича, Моур ноҳақ бўлган.

"Моуриньо аслида Винисиуснинг феъл-атворига ҳужум қилди, ўша лаҳзада қилган ишини обрўсизлантириш учун унинг байрам қилиш услуби ҳақида гапирди. Бу жуда катта хато эди. Қолаверса, Моуриньо Эйсебиони ҳам тилга олди. Унинг сўзларига кўра, "Бенфика" Эйсебио туфайли ирқчи бўлиши мумкин эмас. 60 йилларда қора танли футболчилар нималарни бошдан кечирганини биласизми? У Эйсебио билан сафар ўйинларига борган ва унинг нималарни бошдан кечираётганини кўрганми? Бугун Винисиусга танбеҳ бериш учун унинг исмини ишлатиш нотўғри.

Мен Моуриньо билан ишлаган ва у ҳақида ҳеч қандай ёмон гап эшитмаган юзлаб одамлар билан учрашдим. Уни барча футболчилар яхши кўришади. У ўз клуби учун курашаётганини тушунаман, у яхши инсон. Аммо у хатога йўл қўйди", - деди Компани журналистларга.

"Бавария" шанба куни "Айнтрахт"ни қабул қилади.