«Барселона»нинг собиқ ҳужумчиси Тьерри Анри жамоанинг ўйинида муаммо бор деб ҳисоблайди. Франциялик афсонанинг фикрича, каталонияликларга вазиятлардан фойдаланиш кўрсаткичини яхшилайдиган юқори даражадаги ҳужумчи керак.
«Барселона»га ҳақиқий "тўққизинчи рақам" керак. Юқори савиядаги ҳужумчи. Мен Осимхен, Холанд ёки Кейн кабиларни назарда тутяпман. Истиқболли ёшлар эмас, балки ўз исботини топган голеадорлар лозим. Жамоада Ямал каби иқтидор бўлганда, унинг узатмаларидан гол уриш жуда осон. Бундай даражада битта имкониятнинг ўзи кифоя қилиши керак. Мен улар жуда кўп вазиятларни кўкка совурган ўйинларни кўрдим. «Барселона»да бундай ҳолат бўлмаслиги лозим», — дея Анрининг сўзларини келтиради Испаниянинг Sport нашри.
«Барселона» айни дамда Ла Лига турнир жадвалида иккинчи ўринни эгаллаб турибди ва пешқадам «Реал»дан икки очко ортда қолмоқда.
