Каталониянинг «Барселона» клуби тарихан инглиз футболчилари билан унчалик яқин ҳамкорлик қилмаган бўлса-да, ҳозирда вазият ўзгармоқда — жамоа сафида аллақачон Маркус Рэшфорд тўп тепмоқда, келажакда эса унинг шериги Харри Кейн бўлиши мумкин. Клуб президентлигига номзод Хавьер Вильяоананинг таъкидлашича, у сайловларда ғалаба қозонган тақдирда инглиз ҳужумчисини жамоага таклиф этиш ниятида.

«Биз унинг атрофидаги инсонлар билан алоқада бўлиб турибмиз. Профессионал тарзда ишлаш керак. Кейн — жарима майдончаси ичидаги ҳақиқий «қотил» (киллер). «Барселона»га айнан шундай футболчи керак», — дея Вильяоананинг сўзларидан иқтибос келтирмоқда derbyderbyderby.it нашри.

Қайд этиш жоизки, 2022 йилда Роберт Левандовски ҳам айнан «Бавария»дан «Барселона»га кўчиб ўтган эди.