Лондоннинг «Арсенал» клуби ярим ҳимоячиси Деклан Райс ўз жамоадоши, 16 ёшли Макс Доуман ҳақидаги фикрлари билан ўртоқлашди.

Ёш англиялик футболчи декабрь ойи охиридагина 16 ёшни қарши олганига қарамай, «канонирлар»нинг асосий жамоаси сафида аллақачон бешта учрашувда майдонга тушишга улгурди.

«Доуман — ақл бовар қилмас футболчи. Мен ҳали унинг ёшида бундай иқтидорга эга бўлган ўйинчини кўрмаганман. У ҳақида биринчи бўлиб Жек Уилшер: «Сен уни кузатишинг керак», деб айтган эди. Агар футболчи ҳақиқатан ҳам маҳоратли бўлса, буни дарҳол пайқайсиз ва Макс билан боғлиқ вазиятда ҳам айнан шундай бўлди», — дея Райснинг сўзларидан иқтибос келтирмоқда журналист Саймон Коллингс.

Эслатиб ўтамиз, якшанба куни «Арсенал» Премьер-лига доирасида сафарда «Тоттенхэм» жамоасига қарши баҳс олиб боради.