«Манчестер Юнайтед» ҳимоячиси Диогу Далот жамоа ҳужумчиси Беньямин Шешко билан бўлиб ўтган суҳбат ҳақида гапириб берди.
«Мен Шешкога шундай дедим: «Биласанми, нима содир бўлади? Сен битта гол урасан ва ОАВ сени кейинги мавсумнинг энг яхши ҳужумчиси бўлишингни айта бошлайди. Ва бу содир бўлганида, менга сенинг кейинги куни ҳам ўша-ўша йигит бўлиб қолишинг керак», — деди Далот Рио Фердинандга берган интервьюсида.
Шешко ўтган ёзда «Манчестер Юнайтед» сафига келиб қўшилган эди. Ўшандан бери у барча мусобақаларда 23 та ўйинда майдонга тушиб, рақиблар дарвозасини етти бор ишғол қилди ва битта ассистни амалга оширди.
23 февраль куни «қизил иблислар» сафарда «Эвертон» билан тўқнаш келишади.
