"Интер" "Барселона" қанот ҳимоячиси Алехандро Бальде учун курашда "Манчестер Юнайтед"ни ортда қолдирмоқчи. Бу ҳақда Mundo Deportivo журналистлари хабар бермоқда.
"Нерадзуррилар" таркибида 22 ёшли футболчининг номзоди келаси йилнинг ёзида меҳнат шартномаси тугайдиган италиялик Федерико Димарконинг ўрнига кўриб чиқилмоқда.
Алехандронинг трансфер нархи 60 миллион еврога баҳоланмоқда. Ҳимоячи ва "кўк-анорранглилар" ўртасидаги меҳнат шартномаси 2028 йилнинг ёзида ўз ниҳоясига етади.
Бальде жорий мавсум 32 та учрашувда майдонга тушди ва 3 та голли узатмани амалга оширди.
