Англия терма жамоаси собиқ ҳужумчиси Гарри Линекер Англия Премьер-лигасидаги чемпионлик пойгаси ҳақида ўз фикрларини билдирди.

Айни дамда чемпионат пешқадами бўлиб турган "Арсенал" сўнгги икки ўйинда "Брентфорд" (1:1) ва "Вулверхэмптон" (2:2) билан дуранг ўйнаб, муҳим очколарни бой берди. "Манчестер Сити" билан орадаги фарқ беш очкони ташкил этмоқда, бироқ "шаҳарликлар" ихтиёрида яна битта захира ўйини мавжуд.

"Шахсан мен ҳали ҳам улар ("Арсенал") якунда чемпионликни қўлга киритади деб ўйлайман. Эҳтимол, ҳозирги ҳолат ҳаммасини тўғрилаб олиш учун уларга керак бўлган ўзига хос «силкиниш» бўлиб хизмат қилар", — дея Линекернинг сўзларини келтиради "Goal" нашри.

АПЛнинг 27-турида "тўпчилар" сафарда "Тоттенхэм"га қарши баҳс олиб борадилар, "Манчестер Сити" эса "Ньюкасл" билан тўқнаш келади.