Испания Ла Лигаси 2025/2026 мавсуми 25-тури доирасида «Осасуна» ва Мадриднинг «Реал» жамоалари ўртасидаги учрашув якунланди. Баҳс «Эль-Садар» стадионида (Памплона, Испания) бўлиб ўтди ва учрашувда мезбонлар 2:1 ҳисобида ғалаба қозонди.

Учрашувдаги биринчи гол 38-дақада «Осасуна» ҳужумчиси Анте Будимир томонидан пенальтидан урилди. 73-дақиқада «Реал» вингери Винисиус Жуниор ҳисобни тенглаштирди. 90+2-дақиқада ҳужумчи Рауль аниқ зарба йўллаб, ўйиндаги якуний ҳисобни — 2:1 қилиб белгилади.

25 турдан сўнг «Реал» 60 очко тўплаб, мусобақа жадвалида пешқадамлик қилмоқда. «Осасуна» эса 33 очко билан тўққизинчи ўринни эгаллаб турибди.

Кейинги турда «Реал» 2 март куни ўз майдонида «Хетафе»ни қабул қилади. «Осасуна» эса бир кун аввал сафарда «Валенсия»га қарши майдонга тушади.

Испания — Примера. 25-тур
21 февраль 2026 йил, шанба.
Осасуна — Реал Мадрид — 2:1
Голлар: Будимир 38 (пенальти), Винисиус Жуниор 73, Рауль 90+2.