“Насаф” футбол мактабининг 2000 йилларда туғилган ўсмирлардан ташкил топган жамоаси Украина пойтахтида ташкил этилган халқаро турнирда иштирок этиш учун кеча Киевга жўнаб кетди.

Украинада хизмат кўрсатган мураббий Владимир Киянченко хотирасига бағишлаб илк марта ташкил этилган хотира турнирида “Коноплева” (Тольятти, Россия), ФК “Минск” (Беларус), ФК «Курск» (Россия), ФК «Гомель» (Беларусь), «Динамо» (Киев), «Арсенал» (Киев), РВУФК (Киев), «Нива» (Винница), «Волынь» (Луцк) жамоалари футбол академиялари жамоалари иштирок этишмоқда.

14-21 август кунлари ўтказиладиган мусобақада “Насаф” футбол мактабининг Шуҳрат Бўриев ва Элдор Мойлиев мураббийлигидаги 2000 йилларда туғилган ўсмирлардан иборат жамоаси иштирок этади.