«Интер» ҳужумчи Франческо Эспозитони ўз таркибида сақлаб қолиш ниятида.
FcInterNews берган маълумотларга кўра, кейинги ҳафтада Милан клуби 20 ёшли форварднинг агенти Марио Жуффреди билан учрашув ўтказади. Томонлар янги шартнома имзолаш масаласини муҳокама қилишни режалаштиришган. «Интер» футболчига 2031 йилнинг ёзига қадар мўлжалланган, йиллик маоши 3 ёки 3,5 миллион евро бўлган келишув таклиф қилишга тайёр.
Франческо Эспозито «Интер» академияси тарбияланувчиси ҳисобланади. Унинг амалдаги шартномаси 2030 йил 30 июнгача белгиланган. Жорий мавсумда ҳужумчи Милан клуби сафида барча турнирларда 34 та ўйин ўтказиб, 7 та гол урди ва 6 та голли узатмани амалга оширди.
