Мадриднинг «Атлетико» клуби ҳужумчиси Адемола Лукман яна бир бор гол уришга муваффақ бўлди — бу сафар «Эспаньол» унинг «қурбони»га айланди.
«Матрасчилар»нинг янги аъзоси 58-дақиқада гол уриб, ҳисобни 3:1 кўринишига келтирди ва орадан уч дақиқа ўтиб алмаштирилди. 28 ёшли футболчи «Атлетико» сафидаги дастлабки 6 та ўйинида 4 та гол уришга эришди. Бу 2020/21 йилги мавсумда айнан шундай натижа қайд этган Луис Суарес давридан бери энг яхши кўрсаткичдир.
Ла Лига гранди Адемола Лукманни февраль ойи бошида Италиянинг «Аталанта» клубидан 35 миллион евро эвазига сотиб олган эди.
Маълумот учун, Луис Суарес 2020 йилдан 2022 йилгача «Атлетико» шарафини ҳимоя қилган. Ушбу давр мобайнида уругвайлик ҳужумчи мадридликлар сафида 83 та ўйинда майдонга тушиб, 34 та гол урган.
