«ПСЖ» яна Франция Лига 1 турнир жадвалида биринчи ўринга кўтарилиб олди.

Луис Энрике шогирдлари бугун 23-тур доирасида «Метц»ни тор-мор этди (3:0). Ушбу ғалаба ва «Монако»га имкониятни бой берган (2:3) «Ланс»нинг мағлубияти эвазига парижликлар пешқадамликни қўлга киритишди. Эндиликда жамоалар ўртасидаги фарқ икки очкони ташкил этмоқда.

Шунингдек, кучли тўртликдан «Лион» ва «Марсель» жамоалари ҳам жой олган. «Лион» пешқадамдан 9 очко ортда қолмоқда (битта захира ўйинига эга), «Марсель» билан фарқ эса 14 очкога тенг.