"Бавария" ҳужумчиси Николас Жексон Лондоннинг "Челси" клубига қайтишга тайёр. Сенегаллик футболчи жорий мавсумни ижара асосида Мюнхенда ўтказмоқда. Германия гранди 24 ёшли ўйинчини сотиб олиш ҳуқуқидан фойдаланмаслиги кутилмоқда.
"Бавария"даги ижара муддатим тугагач, "Челси"га қайтишни истайман, чунки у ерда ҳали амалдаги шартномам бор. Жамоанинг асосий таркибидаги ўрнимни қайтариб олиш учун қўлимдан келган барча ишни қиламан.
"Челси"га ўтиш мен учун ҳеч қачон хато бўлмаган, чунки охирги бир неча йил ичида футболчи сифатида кўп нарсани ўргандим. "Челси" фаолиятимга ёрдам берди, шунинг учун ҳам майдонда уларга бунинг учун муносиб жавоб қайтариш йўлида астойдил меҳнат қиламан", — дея Жексоннинг сўзларини келтиради "Topskills Sports UK" нашри.
Жорий мавсумда Жексон барча мусобақаларда 22 та ўйин ўтказиб, бешта гол урди ва битта голли узатмани амалга оширди.
