"Bavariya" hujumchisi Nikolas Jekson Londonning "Chelsi" klubiga qaytishga tayyor. Senegallik futbolchi joriy mavsumni ijara asosida Myunxenda o‘tkazmoqda. Germaniya grandi 24 yoshli o‘yinchini sotib olish huquqidan foydalanmasligi kutilmoqda.

"Bavariya"dagi ijara muddatim tugagach, "Chelsi"ga qaytishni istayman, chunki u yerda hali amaldagi shartnomam bor. Jamoaning asosiy tarkibidagi o‘rnimni qaytarib olish uchun qo‘limdan kelgan barcha ishni qilaman.

"Chelsi"ga o‘tish men uchun hech qachon xato bo‘lmagan, chunki oxirgi bir necha yil ichida futbolchi sifatida ko‘p narsani o‘rgandim. "Chelsi" faoliyatimga yordam berdi, shuning uchun ham maydonda ularga buning uchun munosib javob qaytarish yo‘lida astoydil mehnat qilaman", — deya Jeksonning so‘zlarini keltiradi "Topskills Sports UK" nashri.

Joriy mavsumda Jekson barcha musobaqalarda 22 ta o‘yin o‘tkazib, beshta gol urdi va bitta golli uzatmani amalga oshirdi.