"Лос-Анджелес" ҳужумчиси Сон Хён Мин МЛС биринчи тури доирасида "Интер Майами" устидан қозонилган ғалабадан (3:0) сўнг интервью берди.
Жанубий кореялик футболчи голли узатмани амалга ошириб, жамоасининг "чайкалар" устидан зафар қучишига ёрдам берди. 38 ёшли Лионель Месси финал тўлиқ ҳаракат қилди, бироқ меҳмонларни йирик мағлубиятдан қутқариб қола олмади.
"Месси билан бир авлод вакиллари бўлганимиз биз учун бахт, биз унинг фаолиятини ва у иштирокидаги ақл бовар қилмайдиган лаҳзаларни кузатишимиз мумкин. Лео мени доим руҳлантириб келган ва унинг бу ерда, МЛСдаги иштироки менинг лигага бўлган муносабатимга таъсир қилди. У билан бир майдонда ўйнаш — катта шараф", — деди "Тоттенхэм" собиқ ҳужумчиси ўйиндан кейинги интервьюсида.
Сон Хён Мин ўтган йилнинг август ойида 22 миллион евро эвазига "Лос-Анджелес" клубига ўтган эди.
