"Манчестер Сити"дан ижарага олинган Миланнинг "Интер" клуби марказий ҳимоячиси Мануэль Аканжи Италияда қоладиган бўлди.
Инсайдер Николо Скиранинг янгиланган ҳисоботида хабар қилинишича, "нерадзурри" 30 ёшли футболчини 15 миллион евро эвазига сотиб олиш опциясини фаоллаштиради. Манбанинг таъкидлашича, швейцариялик футболчи А Серия гранди билан шартнома шартларини келишиб бўлган: келишув 2028 йилгача мўлжалланади (яна 12 ойга узайтириш имконияти билан), маоши эса йилига тахминан 3,75 миллион еврони ташкил қилади.
Аввалроқ, агар "Интер" скудеттони қўлга киритса, Мануэль Аканджини сотиб олиш банди мажбурий бўлиши ҳақида хабарлар пайдо бўлган эди, бироқ клуб натижалардан қатъи назар ўйинчини олиб қолишга қарор қилди.
