Австралия яшил майдонларида ўтадиган Осиё кубоги-2015 саралашининг "А" гуруҳида бугун бир учрашув бўлиб ўтди.

Уммон терма жамоасини қабул қилган Сингапур 0:2 ҳисобида имкониятни бой берди. Учрашувдаги голларнинг ҳар иккиси ҳам биринчи таймда киритилган.

Айтиш жоиз, мезбонлар нафақат уч очкони бой бердилар, балки саралашдаги ўз имкониятларини ҳам ушбу ўйиндаги бешта "сариқ" карточка туфайли пасайтириб юбордилар. Уммон эса 6 очко тўплаб гуруҳнинг яққол пешқадамига айланди.

ОСИЁ КУБОГИ - 2015 САРАЛАШ.  "А" гуруҳи. 2-тур.
СИНГАПУР - УММОН - 0:2 (0:2)
Голлар: Қосим Саид (15), Эйд Ал-Фарси (45)
Ҳакам: Тома Масааки (Япония)

Хабарингиз бор, бошқа гуруҳларда 2-тур учрашувлари аллақачон ўтказиб бўлинган. Ушбу гуруҳда бу турнинг кейинги ўйини эртага Теҳронда, Сурия ва Иордания терма жамоалари ўртасида бўлиб ўтади.