"Реал" Испания чемпионати доирасида сафарда "Осасуна"га 1:2 ҳисобида имкониятни бой берганидан сўнг, Альваро Арбелоа яна босим остида қолди. Мадрид клуби ёзда яна бир бор бош мураббийни алмаштириши эҳтимолдан холи эмас.
"AS" нашрининг хабар беришича, "Реал" мураббийлар бозорини кузатиб бормоқда, бироқ Жозе Моуриньо номзодини кўриб чиқмаяпти. Португалиялик мутахассиснинг Мадрид клубини бошқариш имконияти йўқ.
Жозе Моуриньо 2010–2013 йилларда "Реал"ни бошқарган. Ўша даврда жамоа учта соврин — Ла Лига чемпионлиги, Испания кубоги ва Испания суперкубогини қўлга киритган эди.
Эслатиб ўтамиз, ўтган йилнинг сентябрь ойидан бери Моуриньо Лиссабоннинг "Бенфика" клубини бошқариб келмоқда.
