Лондоннинг «Арсенал» клуби ҳужумчиси Виктор Дьёкереш «Тоттенхэм»га қарши ўйиндан сўнг ўз фикрлари билан ўртоқлашди. Англия чемпионатининг 27-туридан ўрин олган баҳс Микель Артета шогирдларининг 4:1 ҳисобидаги ғалабаси билан якунланди, футболчи эса дубль қайд этди.

Sky Sports телеканалининг «Бу «Арсенал»даги энг яхши ўйинингиз бўлдими?» деган саволига Дьёкереш қуйидагича жавоб берди:

«Баъзи жиҳатлардан бу яхши ўйин бўлди. Бошқа вазиятларда эса бундан ҳам яхшироқ ҳаракат қилишим мумкин эди. Оғир учрашув ўтказдик, лекин бугун майдонда чиройли ўйин кўрсата олдик».

Биринчи гол ҳақида

«Биз машғулотларда бу ҳаракатни бир неча бор репетиция қилгандик. Мен Эберечи қандай гол урганини кузатгандим ва ўшани такрорлашга ҳаракат қилдим. Чиройли гол бўлди».

Айни дамда «Арсенал» 61 очко билан турнир жадвалида пешқадамлик қилмоқда.