"Милан" устози Марко Ландуччи А Серияни дунёдаги энг мураккаб лигалардан бири деб атади.
Бугун Италия А Сериясининг 26-турида "Милан" ўз майдонида "Парма"га (0:1) имкониятни бой бериб қўйди ва 24 ўйиндан иборат мағлубиятсиз сериясига барҳам берди. "Россонерилар" бош мураббийи Массимилиано Аллегри "Комо"га қарши ўйинда четлатилгач, ўйинни ўтказиб юборди.
"Биз норозимиз, аммо "Парма" ажойиб ўйин ўтказди. Тўп бугун шунчаки дарвозага кирмади. Шунча ижобий натижадан кейин уч очко олишни истаган эдик, энди "Кремонезе"га қарши ўйин олдидан ишга қайтишимиз керак. Жамоанинг ҳафсаласи пир бўлди. Биз бошқалар ҳақида эмас, ўз йўлимиз ҳақида ўйлашимиз керак. Биз ўйиндан-ўйинга мақсадимизга эришишимиз керак, бунинг учун иложи борича кўпроқ очко тўплашимиз керак. Бундай кайфият билан кўп очко ютдик.
Италия чемпионати жуда мураккаб ва айёр. Бугун биз қўлимиздан келганини қилишга ҳаракат қилдик, аммо А Серия дунёдаги энг қийин лига бўлса керак ва баъзи ўйинлар унчалик муваффақиятли ўтмаяпти", - деди Ландуччи Sky Sport нашрига берган интервьюсида.
