"Milan" ustozi Marko Landuchchi A Seriyani dunyodagi eng murakkab ligalardan biri deb atadi.

Bugun Italiya A Seriyasining 26-turida "Milan" o‘z maydonida "Parma"ga (0:1) imkoniyatni boy berib qo‘ydi va 24 o‘yindan iborat mag‘lubiyatsiz seriyasiga barham berdi. "Rossonerilar" bosh murabbiyi Massimiliano Allegri "Komo"ga qarshi o‘yinda chetlatilgach, o‘yinni o‘tkazib yubordi.

"Biz norozimiz, ammo "Parma" ajoyib o‘yin o‘tkazdi. To‘p bugun shunchaki darvozaga kirmadi. Shuncha ijobiy natijadan keyin uch ochko olishni istagan edik, endi "Kremoneze"ga qarshi o‘yin oldidan ishga qaytishimiz kerak. Jamoaning hafsalasi pir bo‘ldi. Biz boshqalar haqida emas, o‘z yo‘limiz haqida o‘ylashimiz kerak. Biz o‘yindan-o‘yinga maqsadimizga erishishimiz kerak, buning uchun iloji boricha ko‘proq ochko to‘plashimiz kerak. Bunday kayfiyat bilan ko‘p ochko yutdik.

Italiya chempionati juda murakkab va ayyor. Bugun biz qo‘limizdan kelganini qilishga harakat qildik, ammo A Seriya dunyodagi eng qiyin liga bo‘lsa kerak va ba’zi o‘yinlar unchalik muvaffaqiyatli o‘tmayapti", - dedi Landuchchi Sky Sport nashriga bergan intervyusida.