Италиянинг "Милан" клуби А Сериянинг навбатдаги турида мағлубиятга учради, аммо Италияда ушбу мағлубиятга сабаб бўлган гол атрофида баҳс авж олмоқда.
Кўпчиликнинг фикрича, эпизодда "Милан" дарвозабони Майк Меньянга нисбатан қоидабузарлик содир этилган ва шунинг учун гол бекор қилиниши керак эди. "Милан"нинг собиқ сардори Массимо Амброзини вазиятга изоҳ берди.
"Англия чемпионатида стандарт вазиятлар етакчиси сифатида эътироф этилган "Арсенал"га қаранг. Бурчак зарбаси амалга оширилганда, улар рақиб жарима майдончасига ўнтадан ўйинчи қўяди ва у ерда дарвозабонга нисбатан қоидабузарлик бўлган-бўлмаганини тушуниш қийин бўлади. "Парма" ҳам худди шундай йўл тутди", - деди собиқ футболчи.
