"Манчестер Юнайтед" яримҳимоячиси Каземиро инглиз клуби билан шартномаси тугаганидан кейин Бразилияга қайтишни режалаштирмаяпти.

"Биз буни бир куни тушдан кейин муҳокама қилдик ва асосий ўйинчиларимиздан бири Каземирога хабар юборди. Каземирони ўз жамоасида кўришни ким истамайди дейсиз? У дарҳол Бразилияга қайтиш нияти йўқлигини, бошқа бозорда қолишни хоҳлаётганини айтди. "Сан-Паулу" Каземиро бўйича ҳеч қандай таклиф билан чиқмади ва фикримча, жамоамиз таркиби ҳақида аниқ тасаввурга эга бўлмай туриб, бундай қилиш ақлдан эмас", - деди "Сан-Паулу" спорт директори.

Каземиронинг "Манчестер Юнайтед" билан амалдаги меҳнат шартномаси АПЛнинг жорий мавсуми якунида ўз ниҳоясига етади. Январь ойида клуб футболчи билан шартномани узайтирмаслигини тасдиқлаганди.