Яримҳимоячи Раҳим Стерлинг "Фейеноорд" сафида дебют қилди ва захирадан майдонга тушиб, 2025 йилнинг май ойидан буён илк расмий ўйинини ўтказди, деб ёзади BBC.

Ўтган ҳафтада "Челси" билан шартномаси ўзаро келишувга кўра бекор қилинганидан кейин Нидерландия жамоасига ўтган 31 ёшли инглиз "Телстар"га қарши ўйиннинг 61-дақиқасида майдонга тушди. Бу вақтда "Фейеноорд" 2:1 ҳисобида олдинда бораётганди, ўйин шу ҳисобда якунланди.

Стерлинг бундан аввал 2024/25 йилги мавсумда "Арсенал" сафида Англия чемпионатининг сўнгги кунида ижара асосида майдонга тушганди.

"Анчадан бери ўйнамаганман, лекин формамни ушлаб туришга ҳаракат қилардим. Мен қадам-бақадам юриб, оптимал формани йиғишга ҳаракат қиляпман", - деди футболчи ESPN нашрига.