Ярим ҳимоячи Бруну Фернандеш трансфер миш-мишларида мунтазам кўриниш бермоқда. Португалиялик футболчининг ўзи ўтган йили агар "Манчестер Юнайтед" уни сотмоқчи бўлса, бунда ҳеч қандай муаммо бўлмаслигини айтган эди.
"The Touchline" нашри журналист Стив Бейтсга таяниб хабар беришича, 31 ёшли Фернандеш агар жамоа кейинги мавсум учун Чемпионлар лигаси йўлланмасини қўлга киритса, "Манчестер Юнайтед"да қолишни истайди.
Айни дамда "Манчестер Юнайтед" Премьер-лига турнир жадвалида бешинчи ўринни эгаллаб турибди. Шу билан бирга, агар "қизил иблислар" душанба куни "Эвертон"га қарши ўйинда очко тўплашса, тўртинчи поғонага кўтарилиб олишади.
