«Ливерпуль» клуби жамоа юлдузи Муҳаммад Салоҳ ёзда кетиши мумкин бўлган сценарийга тайёргарлик кўрмоқда. Вазиятни инобатга олган ҳолда, мерсисайдликлар «Ньюкасл» ҳужумчиси Энтони Гордонни нишонга олишган. «Қизиллар»нинг ушбу футболчига бўлган қизиқиши ҳақидаги миш-мишлар анчадан бери юрибди.
Transfer News Live нашрининг Fichajesга таяниб хабар беришича, «Ливерпуль» Гордон учун расмий таклиф тайёрламоқда. Гап 80 миллион фунт стерлингдан (91,47 миллион евро) юқори бўлган сумма ҳақида бормоқда.
2025/2026 йилги мавсумда Энтони Гордон 37 та ўйинда майдонга тушиб, 14 та гол урди ва жамоадошларига 5 та голли узатмани амалга оширди. Нуфузли Transfermarkt портали мутахассислари Гордоннинг трансфер қийматини 60 миллион еврога баҳоламоқда.
