Англиянинг «Манчестер Юнайтед» клуби АПЛ 27-турининг сўнгги ўйинида «Эвертон» устидан ғалаба қозонди. Бир пайтлар, яъни 2013 йилда «Манчестер Юнайтед»ни бошқарган «ирислар» устози Дэвид Мойес ўйин якунлари ҳақида ўз фикрларини билдириб ўтди.

«Ҳисобдан қониқиш ҳосил қилиш учун менда ҳеч қандай сабаб йўқ. Фақат ғалабаларгина олдинга ҳаракат қилишга ундайди. Биз эса истаганимиздек тез-тез ғалаба қозона олмаяпмиз. Айниқса, бу ерда — ўз уйимизда. Бу сафар «Манчестер Юнайтед»га минимал ҳисобда имкониятни бой бердик, биринчи даврада эса уларни кичик устунлик билан мағлуб этгандик. Ўшанда бўлгани каби, бугун ҳам ҳаммасини майда деталлар ва алоҳида эпизодлар ҳал қилди», — дея мутахассиснинг сўзларидан иқтибос келтиради BBC Sport.

Ҳозирда «Эвертон» Англия чемпионати турнир жадвалида тўққизинчи ўринни эгаллаб турибди.