Бельгиянинг «Брюгге» клуби бош мураббийи Иван Леко Мадриднинг «Атлетико» жамоасига қарши бўлиб ўтадиган УЕФА Чемпионлар лигаси жавоб ўтиш учрашуви олдидан матбуот анжуманида иштирок этди. Мазкур баҳс 24 февраль куни бўлиб ўтади, илк ўйинда эса 3:3 ҳисобидаги дуранг қайд этилган эди.
«Бундай ўтиш ўйинларида иштирок этиш — катта имтиёз. Бошқа томондан, инсон доим кўпроғини хоҳлайди. Келинг, бу бизнинг чегарамиз эмаслигини кўрсатишга ҳаракат қиламиз. Биз бу ерга натижа учун келганмиз. Ҳатто энг буюк жамоаларга қарши ўйнаётган бўлсак ҳам. Кимга қарши майдонга тушаётганимизни яхши биламиз, аммо мақсадимиз ўзгармайди», — дея Леконинг сўзларини келтиради УЕФА расмий сайти.
Учрашув Тошкент вақти билан соат 22:45 да бошланади. Ўйинни франциялик Клеман Тюрпен бошчилигидаги ҳакамлар бригадаси бошқариб боради.
